Grantiau Bach SSHP
Ers 2024 mae Rhaglen Atal Hunanladdiad a Hunan-niweidio Perfformiad a Gwella GIG Cymru wedi bod yn darparu cynllun grantiau bach blynyddol i gefnogi gweithgarwch lleol sy’n canolbwyntio ac atal hunanladdiad a hunan-niweidio.
Mae’r cyllid hwn wedi cael ei ddyfarnu i sefydliadau i gefnogi prosiectau, ymyriadau neu raglenni sy’n bodoli eisoes neu sy’n cael eu datblygu; neu i gefnogi gweithgareddau newydd ar eu taith sydd â ffynonellau cyllid ychwanegol neu a gefnogir gan allu sefydliadol presennol.
Mae’r cyllid ar gael i gefnogi:
- cyd-ddylunio a chynhyrchu adnoddau neu ddeunyddiau i gefnogi llwybrau atgyfeirio lleol, llywio gwasanaethau, neu gyfeirio
- cyd-gynhyrchu cynigion hyfforddiant newydd neu bwrpasol ar gyfer grwpiau neu leoliadau penodol
- digwyddiadau lleol i gefnogi rhwydweithiau presennol gyda her neu broblem benodol, neu i sefydlu rhwydwaith cefnogi newydd y gellir ei gynnal trwy adnoddau presennol ar ôl y grant
- gweithgareddau sy’n gwella ein dealltwriaeth ac yn cofnodi lleisiau’r rhai sydd wedi’u heffeithio’n anghymesur gan hunanladdiad a hunan-niweidio
Rhaid i’r gweithgareddau alinio’n glir â’r amcanion strategol cenedlaethol sydd wedi’u nodi yn y strategaeth 10 mlynedd, Dealltwriaeth: strategaeth atal hunanladdiad a hunan-niweidio | LLYW.CYMRU, a chynnwys gwerthuso a monitro gyda phob prosiect yn adrodd ar fanteision a chanlyniadau clir o’r gwaith.
Grantiau Bach 2024-2025
Yn 2024-2025, dyfarnwyd cyfanswm o 38 o grantiau i sefydliadau ledled Cymru, gan ariannu ystod amrywiol o brosiectau. Mae’r posteri isod yn rhoi crynodeb o’r prosiectau a’u canlyniadau.
Posteri Grantiau Bach 2024-2025
Grantiau Bach 2025-2026
Yn 2025-2026, dyfarnwyd cyfanswm o 20 o grantiau i sefydliadau ledled Cymru, gan ariannu ystod amrywiol o brosiectau. Mae’r posteri isod yn rhoi crynodeb o’r prosiectau a’u canlyniadau.
Posteri Grantiau Bach 2025-2026
